1989 t Mannenkoor
t Was op n zummeroavend dat ik bie Jannoa vot kwam, Koert Pathuus zien wedevraauw. Ik luip bie heur over t loantje, langs n kaambe hoaver. Wonderliek vredeg was t doar. De wind streek zoezelnd over dij gruine weelde hìn. Lichtgruine, donkergruine plekken gleden ofwizzelnd boven in d’hoaver der langs: d’aine golf noa d’aandere rolde […]
1989 Fiet
n Aigenwieze, dat vonden ze hom aalmoal, dij Jan Pot, n dikke aigenwieze. Hai bölkte van t geld. En doar gedruig hai zok den ook noar. Mor mit n kelekte huf je nooit bie hom aankomen, den zoltjede hai joe òf. Veur zokswat haar e niks over, den wol hai n dubbeltje nog wel deurbieten. […]
1989 De trekharmonikoa
t Was n waarme zummernommerdag dat ik deur t veld noar Haarm Hoazelhof touluip. De rogge ston geel en riep aan weerskaanten van t loontje, n poar iemen snuiden, nou en den even brommend, aan de botterbloumen. Slootswale, noast mie, was n widde zee van kezebloumen, stil en veurnoam. Hoog aan de locht ston n […]
1989 De pappegoaie
t Boerderijchie lag persies in d’elboge van t daip: net veur t huus muik de wieke n bochte, t veld in. t Lag der zo vredeg en vaaileg as wat. As je doar wezen mozzen, den luip je eerst over n loantje hìn, tussen twij broene riegen van beukenhegen deur. Dat gaf joe aaltied al […]
1989 Pokkeln en knooien
De zunne was net onder en t dörp muik aanstalten om sloapen te goan. n Poar kikkers kwakten in n sloot welterusten tegen nkander, de bloumen haren net de leste bladjes dichtvollen en luiten heur koppies al hangen. Vogeltjes stakken snoaveltjes in de veren op rogge en wazzen zó vertrokken. In de verte jankte n […]
1989 Geert Biebeltjes dreum
Hou mos ik hier nou wel mit aan! Ik zol t in de vrede nait waiten. Dit was ja wel zo’n vrumd kwoaltje, zokswat haar ik nog nait eerder mitmoakt. Geert Biebeltje zat bie mie op t spreekuur. Geert Biebeltje, zo nuimde men hom bie ons op t dörp, omreden Geert zoveul van de Biebel […]
1989 Wieshaid dragt voak n schoamel klaid
Van de week zat ik in toene te lezen. t Was t mooiste weer van de wereld. En wat n drokte, wat n nij leven om mie tou! De koolmezen vlogen òf en aan om heur jongen te vouern. Gain tel rust, gain ogenblik vree was der veur dij vogeltjes: de jongen in t nustkassie […]
1989 Dou de koekoek soavends ruip
t Was al loat, dij zummeroavend. t Dörp lag der al wat sloaperg bie. Geluden van overdag wazzen stoadegaan verstomd. Hier en doar luit n vogel, dij t nait recht vinden kon, nog even wat van zok heuren en hail in de verte toette n kou kloagelk en swoarmoudeg. Mor wieder was t stil. Ale […]
1989 Van Sietse en zien laive Oaltje
Dat Sietse Sietsemoa nou n minne kerel was, och nee, dat von aiglieks gainaine bie ons op t dörp. Sietse zat, as t ter op aankwam, gain spier kwoad bie, nee, nog staarker, bie t minste of geringste sluig t haart hom as n röddekeudel. Allain as hai wat teveul draank op haar, den was […]
1989 Derk en Oarendinoa
Derk en Oarendina wazzen al joaren traauwd en haren de kinder aalmoal al laank tou deure uut. Zai haren t zo mooi as wat mit zien baaident. n Autochie was der ook en zai moggen der geern n ìndje mit uut rieden goan: ais even bie de kinder langs of noar ol-vrunden tou. Derk was […]